معروف اداکارہ پر شوہر کا تشدد، پونم پانڈے ہسپتال منتقل

155

ممبئی: پولیس نے بھارتی اداکارہ پر تشدد کرنے کے الزام میں ان کے شوہر کو گرفتار کرلیا ۔ اداکارہ پونم پانڈے نے پولیس سٹیشن میں شکایت درج کرائی تھی کہ ان کے شوہر فلمساز سام نے ان کو تشدد کا نشانہ بنایاہے ۔

تفصیلات کے مطابق بھارتی اداکارہ پونم پانڈے کی شکایت پر باندرا تھانے کی پولیس نے فلمساز سام بمبے کو گرفتار کرلیا ۔پولیس کا کہنا ہے کہ اداکارہ  مقامی ہسپتال میں زیر علاج ہیں   ۔ ان کی سر آنکھ اور چہرے پر زخموں کے نشانات موجود ہیں ۔

 

پولیس کے مطابق اداکارہ کو تشدد کا نشانہ بنایا گیا ہے تاہم اس سلسلے میں ابھی مزید تفصیلات کو سامنے نہیں لایا جارہا ہے ۔پولیس یہ جاننے کی کوشش کررہی ہے کہ اداکارہ کو تشدد کا نشانہ کیوں بنایا گیا ہے ۔

یاد رہے کہ اداکارہ پونم پانڈے اور فلمساز سام بمبے نے کئی سال دوستی کے بعد شادی کی تھی ۔ تاہم پونم پانڈے نے گوا میں ہنی مون منانے کے دنوں میں ہی اپنے شوہر سام کے خلاف تھانے میں شکایت درج کرائی تھی کہ ان کا شوہر ان پر تشدد کرتا ہے ۔جس کے بعد پولیس نے ان کو گرفتار کرلیا تھا ۔ تاہم ضمانت کے بعد دونوں میں صلح ہوگئی تھی ۔

تبصرے بند ہیں.