افغانستان اور نیوزی لینڈ میچ کی پچ تیار کرنیوالے کیوریٹر کمرے میں مردہ پائے گئے

189

ابوظبی: شائقین کرکٹ کے لئے بُری خبر، شیخ زید کرکٹ اسٹیڈیم کے پچ کیوریٹر موہن سنگھ اپنےکمرے میں مردہ حالت میں پائے گئے۔

 

غیر ملکی میڈیا کے مطابق افغانستان اور نیوزی لینڈ کے درمیان ہونے والے میچ کی پچ تیار کرنے والے کیوریٹر موہن سنگھ نے مبینہ طور پر خودکشی کی۔

 

موہن سنگھ اپنے کمرے میں مردہ حالت میں پائے گئے تاہم ان کی موت سے متعلق مکمل حقائق تاحال سامنے نہیں آ سکے ہیں اور انتظامیہ نے موہن سنگھ کی موت کی وجوہات جاننے کے لیے تحقیقات کا آغاز بھی کر دیا ہے۔

 

میڈیا رپورٹس کے مطابق موہن گزشتہ 18 سال سے شیخ زید کرکٹ اسٹیڈیم میں پچ کیوریٹر کے فرائض انجام دے رہے تھے۔

 

خیال رہے کہ متحدہ عرب امارات میں اس وقت ٹی ٹوئنٹی ورلڈ کپ جاری ہے اور آج بھی ابوظبی افغانستان اور نیوزی لینڈ کی ٹیموں کے درمیان میچ کھیلا جا رہا ہے۔

 

 

 

 

 

 

 

 

تبصرے بند ہیں.