گنے کی نئی فصل آ رہی ہے جس سے چینی سستی ہو گی، ترجمان وزارت خزانہ

63

اسلام آباد: ترجمان وزارت خزانہ کا کہنا ہے کہ اشیائےخورونوش کی قیمتیں قابو میں آنا شروع ہو گئی ہیں۔ اچھی خبر یہ ہے کہ گنے کی ریکارڈ فصل آ رہی ہے جس سے چینی سستی ہو گی۔

ترجمان وزارت خزانہ مزمل اسلم نے ایک بیان میں کہا ہے کہ زرعی پیداوار اچھی ہونے کے باعث قیمتوں میں استحکا م آئے گا۔ عالمی منڈی میں اشیائے ضروریہ کی قیمتوں میں اضافہ ہوا ہے۔عالمی مارکیٹ میں بڑھنے والی قیمتوں پر ہمارا اختیار نہیں۔

ان کا مزید کہنا ہے کہ کورونا کے باعث پوری دنیا میں مہنگائی میں اضافہ ہوا اور پاکستان کی برآمدات تیزی سے بڑھ رہی ہیں۔صرف اکتوبر میں برآمدات میں ساڑھے17فیصد اضافہ ہوا۔ملکی تاریخ میں پہلی دفعہ ہم 30ارب ڈالر برآمدات کا ہدف حاصل کر لیں گے ۔

انہوں نے کہا ہے کہ آمدنی بڑھنے سے ٹیکسز میں بھی اضافہ ہوا ہے۔ کپاس کی پیدوار میں81فیصد اضافہ ہوا۔اکتوبر کے مہینے میں نان آئل امپورٹس میں ساڑھے 12فیصد کمی آئی۔

صنعتی پیدوار میں اگست سے اب تک سوا 12فیصد اضافہ ہوا ہے اور گزشتہ سال کے مقابلے میں بجلی زیادہ استعمال کرنے والوں کو اس بار رعایت ملے گی۔

تبصرے بند ہیں.