سعودی عرب نے غیر ملکیوں کے وزٹ ویزوں میں توسیع کر دی

85

ریاض: سعودی عرب کی وزارت خارجہ نے غیر ملکیوں کے وزٹ ویزوں میں توسیع کر دی ہے۔ توسیع خادم الحرمین الشریفین شاہ سلمان بن عبدالعزیز کی ہدایت پر کی گئی۔ 

 

خلیجی ویب سائٹ کے مطابق سعودی عرب کی وزارت خارجہ نے ان ممالک کے شہریوں کے وزٹ ویزوں میں توسیع کی ہے جہاں کی پروازوں پر پابندی عائد ہے۔ وزارت خارجہ نے شہریون کے وزٹ ویزوں میں توسیع مفت کی ہے اور وزارت خارجہ کے مطابق مذکورہ ممالک کے شہریوں کے لیے وزٹ ویزے میں خود کار طریقے کے مطابق 3 نومبر 2021 تک توسیع کی گئی ہے۔

 

ویب سائٹ کے مطابق وزٹ ویزہ ہولڈر جنہوں نے اپنے ای میل کا اندراج کر رکھا ہے انہیں توسیع کے متعلق مطلع کر دیا گیا ہے۔

 

سعودی وزارت خارجہ کے مطابق وزٹ ویزوں میں مفت توسیع کورونا وائرس کے باعث پیدا ہونے والے بحران کے بعد پیدا ہونے والے اثرات کم کرنے کے لیے ہے۔ فیصلے سے وہ افراد مستفید ہوں گے جنہیں پہلے سے وزٹ ویزے جاری کیے گئے لیکنپروازوں کی معطلی کے باعث وہ سعودی عرب نہیں آ سکے تھے۔

تبصرے بند ہیں.