بختاور بھٹو کی بیٹے کی صحت کیلئے دُعا کی اپیل

کراچی: آصف علی زرداری کی بیٹی بختاور بھٹو نے اپنے پیٹے کی صحت کے لیے دُعا کی اپیل کر دی۔

بختاور بھٹو زرداری نے سماجی رابطے کی ویب سائٹ ٹوئٹر پر ان تمام افراد کا شکریہ ادا کیا جنہوں نے بیٹے کی پیدائش پر خوشی کا اظہار کیا۔

انہوں نے کہا کہ بیٹے کی پیدائش کی تاریخ 8 نومبر تھی تاہم کچھ طبی پیچیدگیوں کے باعث اس نے وقت سے قبل 10 اکتوبر کو آ کر ہم سب کو حیران کر دیا۔

بختاور بھٹو نے بتایا ہے کہ ان کے بچے کو فی الحال انتہائی نگہداشت وارڈ میں رکھا گیا ہے تاہم وہ وقت گزرنے کے ساتھ ساتھ بہتر ہو رہا ہے۔

بختاور بھٹو کے ہاں بیٹے کی پیدائش 10 اکتوبر کو ہوئی جس کا اعلان انہوں نے سماجی رابطے کی ویب سائٹس پر کیا تھا۔

Thank you for all the love & celebrations welcoming our little baby boy to the world ???. He was due Nov 8th but decided his own birthday & surprised us all on Oct 10th – currently in the NICU but getting stronger every day ٱلْحَمْدُ لِلَّٰهِ – do keep him in your prayers ❤️

— Bakhtawar B-Zardari (@BakhtawarBZ) October 13, 2021

خیال رہے کہ رواں سال سابق وزیراعظم بینظیر بھٹو کی بڑی صاحبزادی 31 سالہ بختاور بھٹو زرداری 29 جنوری کو بلاول ہاؤس کراچی میں پاکستانی نژاد دبئی کے صنعت کار محمود چوہدری کے ساتھ شادی کے بندھن میں بندھ گئیں تھیں۔

نکاح کی تقریب میں بھٹو زرداری خاندان اور محمود چوہدری کے رشتے دار شریک ہوئے اور اس موقع پر بلاول ہاؤس میں سیکیورٹی کے سخت انتظامات کئے گئے تھے

ان کی شادی کی تقریبات 4 دن قبل 25 جنوری سے ان کی 31 ویں سالگرہ کے موقع پر شروع ہوئی تھیں اور تقریبات کا آغاز محفل میلاد سے کیا گیا تھا۔