صارفین اب واٹس ایپ پر بھی خریداری کر سکیں گے

110

نیویارک: فیس بک کے بعد اب صارفین واٹس ایپ پر بھی خریداری کر سکیں گے ۔

سماجی رابطے کی ویب سائٹ واٹس ایپ ان لائن کاروبار کرنے والے افراد کے لیے ایک فیچر متعارف کروایا ہے ۔ اس فیچر کے تحت صارفین کو واٹس ایپ کے اندر ہی پروڈکٹ اور سروسز تلاش کرنے کی سہولت دی گئی ہے ۔ ابتدائی طور پر برازیل میں اس فیچر کی آزمائش کی گئی ہے ۔

اس سے قبل واٹس ایپ نے صارفین کیلئے ایک نیا فیچر متعارف کرانے کا اعلان کیا تھا جس کے تحت کسی بھی تصویر کو سٹیکر میں تبدیل کرنا ممکن ہو گا ۔

غیر ملکی خبر رساں ادارے کے مطابق فیس بک کی ملکیت کمپنی واٹس ایپ اپنے ڈیسک ٹاپ ورژن کیلئے ایک نئے فیچر پر کام کر رہی ہے ۔ مذکورہ فیچر کے متعارف کرائے جانے پر صارفین کو کیپشن بار کے سامنے سٹیکر کا آئیکون دیکھنے کو ملے گا جسے استعمال کرتے ہوئے تصویر سٹیکر کی صورت میں بھیجی جا سکے گی ۔

رپورٹ کے مطابق اس فیچر کے ذریعے صارفین کسی بھی تھرڈ پارٹی سافٹ وئیر کو استعمال کئے بغیر تصاویر کو سٹیکر میں بدل سکیں گے جس کے باعث واٹس ایپ کے ذریعے چیٹنگ کا مزہ اور بھی دوبالا ہو جائے گا تاہم یہ فیچر فی الحال ڈیسک ٹاپ ورژن کیلئے ہی ہو گا اور اینڈرائڈ یا آئی فون کیلئے اس کی دستیابی سے متعلق کچھ نہیں بتایا گیا ۔

 

 

 

 

 

 

 

تبصرے بند ہیں.