اچانک دورہ منسوخی، شنیرا اکرم کا نیوزی لینڈ ٹیم کو منہ توڑ جواب

لاہور: پاکستان کرکٹ ٹیم کے مایہ ناز سابق کپتان اور لیجنڈ فاسٹ باﺅلر وسیم اکرم کی اہلیہ شنیرا اکرم نے بھی نیوزی لینڈ کرکٹ ٹیم کے اچانک دورہ پاکستان منسوخ کرنے پر ردعمل کا اظہار کرتے ہوئے کیوی ٹیم کو ایسا منہ توڑ جواب دیا ہے کہ ہر پاکستانی ان کی تعریف کرنے پر مجبور ہو جائے۔ 

شنیرا اکرم نے سماجی رابطوں کی ویب سائٹ ٹوئٹر پر جاری اپنے پیغام میں نیوزی لینڈ کرکٹ ٹیم کے اچانک دورہ منسوخ کئے جانے کے معاملے پر ردعمل کا اظہار کرتے ہوئے پاکستان کو دنیا کا محفوظ ترین ملک قرار دیدیا۔ انہوں نے اپنے پیغام میں لکھا کہ ’دنیا میں پاکستان کے علاوہ ایسی اور کوئی جگہ نہیں جہاں میں خود کو سب سے زیادہ محفوظ محسوس کروں۔‘ 

There is no place in the world I feel more safe than in Pakistan ??

— Shaniera Akram (@iamShaniera) September 18, 2021

واضح رہے کہ گزشتہ روز پاکستان اور نیوزی لینڈ کے درمیان راولپنڈی میں پہلا ون ڈے میچ ہونا تھا تاہم میچ شروع ہونے سے قبل نیوزی لینڈ کرکٹ ٹیم نے سیکیورٹی خدشات کو جواز بنا کر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی۔
نیوزی لینڈ کرکٹ ٹیم کی جانب سے یوں اچانک دورہ منسوخ کئے جانے کے پاکستان کے سابق کرکٹرز، حکومتی عہدیداروں، مختلف سیاسی شخصیات اور مختلف مکتبہ فکر سے تعلق رکھنے والے افراد کیساتھ ساتھ شائقین کرکٹ کی جانب سے شدید غم و غصے کا اظہار کیا جا رہا ہے۔