پاکستان کرکٹ کے لئے محفوظ ملک ہے ، ڈیرن سیمی

جمیکا : ویسٹ انڈیز کرکٹ ٹیم کے سابق کپتان ڈیرن سیمی پاکستان کے حق میں سامنے آگئے۔اپنی ٹوئٹ میں ڈیرن سیمی کا کہنا تھاکہ نیوزی لینڈ ٹیم کا دورہ پاکستان منسوخ ہونا کافی مایوس کن خبر ہے۔

ویسٹ انڈیز کے سابق کپتان ڈیرن سیمی نے کہا کہ  گزشتہ6 سال سے پاکستان کا دورہ کرتا رہا ہوں ،  میں نے پاکستان میں خود کو ہمیشہ محفوظ سمجھاہے ۔ ان کا کہنا تھا کہ اس میں کوئی شک نہیں کہ پاکستان کرکٹ کے لئے بہترین ملک ہے ۔

Disappointed waking up to the news of the cancellation of the Pakistan Vs New Zealand series because of security issues.Over the last 6 years playing and visiting Pakistan has been one of the most enjoyable experiences. I’ve always felt safe. this is a massive blow to Pakistan ☹️

— Daren Sammy (@darensammy88) September 17, 2021

خیال رہے کہ پاکستان اور نیوزی لینڈ کے درمیان پہلے ون ڈے میچ کے آغاز میں تاخیر ہوئی تھی جس کے حوالے سے یہ خبریں سامنے آئی تھیں کہ شاید کورونا کی وجہ سے کھلاڑیوں کو ہوٹل میں ہی رہنے کی ہدایت کی گئی ہے۔

پھر یہ خبر سامنے آئی کہ سکیورٹی خدشات کی وجہ سے میچ منسوخ کیا گیا ہے تاہم اب اس بات کی تصدیق ہوگئی ہے کہ نیوزی لینڈ کی ٹیم نے دورہ پاکستان ختم کردیا ہے اور اس کی وجہ سکیورٹی خدشات بتائی ہے۔