طالبان ایک حقیقت ہیں مذاکرات ضروری ہیں ، جرمن چانسلر

برلن : جرمنی نے طالبان کے ساتھ مذاکرات کو ضروری قرار دیتے ہوئے کہا طالبان ایک حقیقت ہیں او راب وہ افغانستان کے اقتدار میں ہیں ۔

جرمن چانسلر انجیلا مرکل نے طالبان رہنماؤں سے مذاکرات پر زور دیتے ہوئے کہا کہ طالبان نے پورے افغانستان پر کنٹرول حاصل کرلیا ہے لہذا اب طالبان قیادت سے مذاکرات کرنے چاہئیں، یہ ایک حقیقت ہے کہ اب طالبان اقتدار میں ہیں اور یہ بات چیت اس وجہ سے ضروری ہے کہ ہمیں نہ صرف افغانستان میں پھنسے ہوئے افراد کو باہر نکالنا ہے بلکہ وہاں امدادی کاموں کو بھی جاری رکھنا ہے۔

جرمن چانسلر کا کہنا تھا کہ ہم ان تمام لوگوں کو افغانستان سے نکالنا چاہتے ہیں جنہوں نے جرمن کمپنیوں اور تنظیموں کے ساتھ کام کیا اور اب طالبان کے اقتدار میں آنے کے بعد وہ ڈرے ہوئے ہیں۔