پاکستان میں 1000CC سے کم گاڑیوں کی پیداوار اور فروخت میں اضافہ

146

لاہور: ملک میں ایک ہزار سی سی سے کم گاڑیوں کی پیداوار اور فروخت میں جاری مالی سال کے پہلے مہینہ میں گزشتہ مالی سال کی اسی مدت کے مقابلہ میں عمومی اضافہ کا رحجان ریکارڈ کیا گیا ہے۔

آل پاکستان آٹو مینوفیکچررز ایسوسی ایشن کی طرف سے جاری کردہ اعدادوشمار کے مطابق جاری مالی سال کے پہلے مہینہ میں ملک میں ایک ہزار سی سی سے کم پاور کی 4289 یونٹس کاروں کی پیداوار ریکارڈ کی گئی جو گزشتہ سال جولائی کے مقابلہ میں 399.88 فیصد زیادہ ہے۔ گزشتہ سال جولائی میں ملک میں ایک ہزار سی سی سے کم گاڑیوں کی 858 یونٹس کاروں کی پیداوار ریکارڈ کی گئی تھی۔

جولائی 2021 میں ملک میں ایک ہزارسی سی سے کم پاورکی7060 یونٹس کاروں کی فروخت ریکارڈکی گئی جو گزشتہ مالی سال کی اسی مدت کے مقابلہ میں163.72 فیصدزیادہ ہے۔ گزشتہ سال جولائی میں ملک میں ایک ہزارسی سی سے کم 2677 یونٹس کاروں کی فروخت ریکارڈکی گئی تھی۔

ان میں سوزوکی بولان اورسوزوکی آلٹوکی کاریں شامل ہیں۔جولائی میں ملک میں سوزوکی بولان کی 396 یونٹس کاروں کی پیداواراور950 یونٹس کی فروخت ریکارڈکی گئی۔ اسی طرح مالی سال کے پہلے ماہ میں ملک میں سوزوکی آلٹو کی 3,893 یونٹس کاروں کی پیداواراور6,110 یونٹس کی فروخت ریکارڈکی گئی تھی۔

تبصرے بند ہیں.