بارش کی وجہ سے پاکستان اور ویسٹ انڈیز کے درمیان پہلا ٹی ٹوئنٹی منسوخ

73

برج ٹاؤن: پاکستان اور ویسٹ انڈیز کے درمیان پہلا ٹی ٹوئنٹی میچ بارش کی وجہ سے منسوخ کر دیا گیا۔

 

ویسٹ انڈیز نے پہلے کھیلتے ہوئے 9 اوورز میں 85 رنز بنائے،  پاکستان کی اننگز شروع ہونے سے قبل پھر بارش شروع ہوگئی جس کے بعد دونوں امپائرز نے آؤٹ فیلڈ گیلی ہونے کی وجہ سے میچ منسوخ کرنے کا اعلان کیا۔ پہلے میچ میں ویسٹ انڈیز نے پاکستان کو 86 رنز کا ہدف دیا تھا۔

 

برج ٹاؤن میں کھیلے گئے اس میں پاکستان کے کپتان بابر اعظم نے ٹاس جیت کر میزبان ٹیم کو پہلے بیٹنگ کی دعوت دی۔ میچ بارش کے باعث تاخیر سے شروع ہوا اور میچ کو 9 اوورز تک محدود کردیا گیا تھا۔

 

میزبان ویسٹ انڈیز نے مقررہ 9 اوورز میں 5 وکٹوں کے نقصان پر 85 رنز بنائے۔ ویسٹ انڈیز کی جانب سے پولارڈ 22 رنز بناکر نمایاں رہے۔

 

گرین شرٹس کی جانب سے حسن علی نے 2، محمد وسیم، محمد حفیظ اور عثمان قادر نے ایک ایک وکٹ حاصل کی۔ پاکستان کی جانب سے 19 سالہ محمد وسیم جونیئر نے ڈیبیو کیا ۔ میچ بارش کی وجہ سے تاخیر سے شروع ہوا جسے پاکستانی وقت کے مطابق شام 7 بجے شروع ہونا تھا۔

 

خیال رہے کہ دونوں ٹیموں کے درمیان سیریز کا دوسرا ٹی ٹوئنٹی 31 جولائی کو کھیلا جائےگا۔

 

تبصرے بند ہیں.