ویکسین لگوانے کے باوجود برطانوی وزیر صحت کورونا وائرس میں مبتلا

لندن: برطانیہ کے وزیر صحت ساجد جاوید کورونا وائرس سے بچاؤ کی دونوں خوراکیں لگوانے کے باوجود اس وبائی مرض میں مبتلا ہو گئے ہیں۔

میڈیا رپورٹس کے مطابق کورونا وائرس کی علامات ظاہر ہونے کے بعد برطانوی وزیر صحت کا ٹیسٹ کروایا گیا جو مثبت آیا۔ حالانکہ انھیں عالمی وبا سے بچاؤ کی دونوں خوراکیں دی جا چکی ہیں۔

My positive result has now been confirmed by PCR test, so I will continue to isolate and work from home.

Here’s a handy reminder of which test you may need and when: pic.twitter.com/cX7Ypye3X6

— Sajid Javid (@sajidjavid) July 17, 2021

اپنی بیماری سے متعلق بات کرتے ہوئے ساجد جاوید کا کہنا تھا کہ ان میں اس وقت کورونا وائرس کی انتہائی معمولی علامات ہیں۔

برطانوی وزیر صحت کا کہنا تھا کہ بظاہر وہ مکمل صحت مند ہیں اور روزمرہ کے فرائض کی انجام دہی کرنے کے قابل ہیں لیکن اس کے باوجود یہ مرض مجھ سے دوسروں کو نہ لگ جائے اس لئے میں نے خود کو آئسولیٹ کر لیا ہے۔

This morning I tested positive for Covid. I’m waiting for my PCR result, but thankfully I have had my jabs and symptoms are mild.

Please make sure you come forward for your vaccine if you haven’t already. pic.twitter.com/NJYMg2VGzT

— Sajid Javid (@sajidjavid) July 17, 2021

ساجد جاوید نے کہا کہ طبی ماہرین کے مشوروں پر عمل کرتے ہوئے وہ گھر سے ہی اپنی ڈیوٹیاں سرانجام دیں گے اور بطور وزیر صحت اپنا کام جاری رکھیں گے۔

دوسری جانب برطانوی میڈیا کا کہنا ہے کہ وزیر صحت ساجد جاوید نے گزشتہ جمعے وزیراعظم بورس جانسن سے ملاقات بھی کی تھی۔ ڈاکٹروں نے صورتحال کے پیش نظر ان کا معائنہ بھی کیا ہے۔