آج شام رمضان المبارک کا چاند نظر آنے کے واضح امکانات ہیں، محکمہ موسمیات

156

لاہور: محکمہ موسمیات کی جانب سے پیشگوئی کی ہے کہ آج شام رمضان المبارک کا چاند نظر آنے کے واضح امکانات ہیں۔ رمضان کا چاند گزشتہ صبح 7 بج کر 32 منٹ پر پیدا ہو چکا ہے۔

محکمہ موسمیات کی جانب سے کہا گیا ہے کہ غروب آفتاب کے وقت چاند کی عمر 35 گھنٹے سے زائد تھی۔ آج شام غروب آفتاب اور غروب قمر کا فرق 71 گھنٹے ہوگا۔ بیشتر علاقوں میں آج شام مطلع صاف یا جزوی ابر آلود رہنے کا امکان ہے۔

خیال رہے کہ آج سعودی عرب سمیت دیگر خلیجی ممالک، یورپ، امریکا اور آسٹریلیا میں پہلا روزہ ہے۔

سعودی عرب میں رمضان المبارک کا چاند نظر نہ آنے کے بعد اعلان کیا گیا تھا کہ پیر 12 اپریل کو 30 شعبان المعظم ہوگی اور پہلا روزہ 13 اپریل بروز منگل ہوگا۔

سعودی عرب میں رمضان المبارک کا چاند دیکھنے کیلئے خصوصی کمیٹی کا اجلاس ہوا تھا۔ اس ضمن میں فلکیاتی مشاہدات سے بھی چاند کی تلاش کی گئی لیکن مقررہ وقت میں چاند دیکھنے کی کوئی شہادت نہیں ملی۔

اس سے قبل سعودی عرب کے سپریم کورٹ نے بھی ملک بھر کے شہریوں سے درخواست کی تھی کہ وہ رمضان المبارک کا چاند دیکھنے کی صورت میں اس کی شہادت ضرور جمع کرائے تاہم مملکت میں کہیں بھی چاند نظر نہیں آیا۔

بعد ازاں کمیٹی کی جانب سے اعلان کیا گیا کہ مملکت میں کہیں بھی چاند نظر نہیں آیا۔ واضح رہے کہ پاکستان میں رمضان المبارک کا چاند دیکھنے کیلئے مرکزی رویت ہلال کمیٹی کا اجلاس آج ہوگا جبکہ اسی روز زونل کمیٹیوں کے اجلاس بھی ہوں گے۔ اس مقصد کیلئے چیئرمین رویت ہلال کمیٹی نے وفاقی حکومت سے تکنیکی معاونت بھی طلب کر رکھی ہے۔

تبصرے بند ہیں.