27-1403862140-kidneydhdh-600

بھارت میں گردہ چور شوہر پکڑا گیا

نئی دہلی : بھارت میں جہیز نہ دینے پر شوہر نے بیوی کا گردہ چرا لیا مغربی بنگال کی پولیس نے خاتون کی درخواست پر اس کے شوہر اور دیور کو گرفتار کر لیا خاتون ریتا سرکارنے میڈیا کو بتایا دو سال قبل اسے جب معدے کا درد ہوا تو اس کے شوہر نے اپینڈکس سرجری کا انتظام کیا لیکن جب 2017 کے اواخر میں دو مختلف ٹیسٹوں کے ذریعے پتہ چلا کہ میرا ایک گردہ غائب ہے۔خاتون نے الزام عائد کیا ہے کہ اس کا شوہر اس سے اکثر جہیز کا مطالبہ کیا کرتا تھا۔خیال رہے کہ بھارت میں 1961 سے دلہن کے گھر والوں کی جانب سے دلہے کو جہیز دینے پر پابندی عائد ہے تاہم اس کے باوجود بھارت میں دلہے والوں کو جہیز دینے کی رسم عام ہے۔متاثرہ خاتون نے بتایا کہ اس کا شوہر اسے علاج کے لیے کلکتہ کے ایک اسپتال میں لے کر گیا جہاں اس نے اور میڈیکل اسٹاف نے بتایا کہ اپینڈکس کے علاج کے بعد وہ ٹھیک ہو جائے گی۔خاتون نے بتایا کہ اس کے شوہر نے کہا تھا کہ اپینڈکس کی سرجری کے بارے میں کلکتہ میں کسی کو بھی کچھ مت بتانا۔ کچھ مہینوں بعد اس کی طبیعت خراب ہوئی تو میکے والے اسے اسپتال لے کر گئے جہاں اسکینز کے ذریعے پتہ چلا کہ میرا تو ایک گردہ ہی غائب ہے۔

Leave a Reply

Your email address will not be published. Required fields are marked *