l_186251_014635_updates

خالد لطیف پانچ سال کےلئے کرکٹ سے دور

لاہورٟ: پی ایس ایل اسپاٹ فکسنگ کیس میں کرکٹرخالد لطیف کو5 سال پابندی کی سزاسنا دی گئی جب کہ انہیں 10 لاکھ روپے جرمانہ بھی اداکرنا ہوگا۔
پاکستان سپر لیگ کے دوسرے ایڈیشن کے دوران اسپاٹ فکسنگ کے الزامات میں معطل کرکٹر خالد لطیف کو اینٹی کرپشن ٹریبیونل نے سزا سناتے ہوئے 5 سال کرکٹ کھیلنے پر پابندی عائد کردی ہے جب کہ کرکٹر کو 10 لاکھ روپے جرمانہ بھی دینا ہو گا۔ یہ مدت پوری کرنے اور جرمانہ ادا کرنے کے بعد ہی وہ کرکٹ کے میدانوں میں واپس آسکیں گے جب کہ کرکٹر کو تفصیلی فیصلہ آنے کے بعد 14روز میں اپیل کا حق حاصل ہوگا۔
واضح رہے کہ اسلام آباد یونائیٹڈ کے اوپنر پر کوڈ آف کنڈکٹ کی 5 شقوں کی خلاف ورزی کےساتھ دیگر کرکٹرز کو فکسنگ پر اکسانے کا الزام بھی تھا۔انہوں نے کئی بار پی سی بی اینٹی کرپشن ٹریبیونل کا بائیکاٹ بھی کیا، کارروائی رکوانے کیلیے ہائیکورٹ میں درخواست دی جو مسترد ہوگئی، اسی عدالت میں اپیل کا فیصلہ بھی حق میں نہ ہوا۔

Leave a Reply

Your email address will not be published. Required fields are marked *